अलवरम्, 17 सितंबरमासः (हि.स.)।

अल्वरजनपदस्य प्रसिद्धे धार्मिकस्थले भर्तृहरिधाम्नि बाबा भर्तृहरिणः त्रिदिवसीयः मेलकः अद्य आरप्स्यते। मेलकस्य आयोजनं प्रति मन्दिरपरिसरे तदनुसंलग्नेभ्यः क्षेत्रेभ्यश्च सर्वाः व्यवस्थाः सम्पन्नाः सन्ति। देशस्य विभिन्नेभ्यः प्रदेशेभ्यः नाथसम्प्रदायस्य साधुसन्तानामपि मेलके आगमनस्य सम्भावना वर्तते।

प्रतिवर्षं मेलकावसरे प्रायः एकलक्षं श्रद्धालवः भर्तृहरिबाबायाः दर्शनार्थम् आगच्छन्ति। श्रद्धालूनां सुविधां दृष्ट्वा प्रशासनस्य मन्दिरप्रबन्धनस्य च पक्षतः विशेषव्यवस्थाः कृताः सन्ति। मेलकस्य अवधौ भर्तृहरिमन्दिरे विशेषपूजाऽर्चनानि धार्मिककार्यक्रमाश्च आयोजयिष्यन्ते।

मेलकस्य अवधौ तीर्थयात्रिकाणां वाहनानां प्रवेशः निषिद्धः भविष्यति। चतुष्चक्रियानानि सङ्कटमोचनहनुमानमन्दिरस्य समीपे एव स्थगयिष्यन्ते। ततः श्रद्धालवः प्रायः त्रिकिलोमीटरपर्यन्तं पद्भ्यां गत्वा भर्तृहरिमन्दिरं प्राप्स्यन्ति।

जयपुर अल्वरमार्गे भर्तृहरितिराहातः प्रायः पञ्चशतमितरमिते पूर्वभागे अवरोधकाः स्थापिताः सन्ति। पुलिसप्रशासनयोः पक्षतः यातायातव्यवस्थायाः नियन्त्रणाय विशेषव्यवस्थाः कृताः सन्ति।

मेलकं दृष्ट्वा राज्यपरिवहननिगमस्य पक्षतः विशेषबससेवाऽपि प्रारब्धा अस्ति। सप्तदशे सितम्बरमासे प्रातः अष्टवादनतः सायं षड्वादनपर्यन्तं भर्तृहरिधामं प्रति विशेषबसाः सञ्चरिष्यन्ति। श्रद्धालूनां संख्या वर्धमाना चेत् बससेवानां संख्या वर्धयितुमपि व्यवस्था कृता अस्ति।

मत्स्यनगरागारस्य मुख्यप्रबन्धकस्य कुलदीपशर्मणः अनुसारं मेलकस्य कृते एकोनविंशतितमं सितम्बरदिनं यावत् प्रायः पञ्चाशत् बसाः सञ्चालयिष्यन्ते। बसस्थानके द्वे पृथक् टिकट्-विक्रयखिडिके उद्घाटिते स्तः। श्रद्धालूनां सुविधार्थं कुशालगढे निगमस्य पक्षतः निरीक्षणकेन्द्रमपि स्थापितम् अस्ति।

द्विचक्रियानां स्थापनार्थं अल्वर जयपुरमार्गे भर्तृहरितिराहातः प्रायः षट्शतमितरमिते पूर्वभागे वाहनस्थानं निर्मितम् अस्ति। चतुष्चक्रियानां कृते बञ्जाराहोटलस्य समीपे वाहनस्थानस्य व्यवस्था कृता अस्ति।

मेलकस्य अवधौ वाहनस्थानस्य शुल्कमपि निर्धारितम् अस्ति। द्विचक्रियानस्य कृते विंशतिरूप्यकाणि, मोटरसाइकिलयानस्य कृते दशरूप्यकाणि, मोटरसाइकिलस्य स्कूटरस्य च कृते विंशतिरूप्यकाणि, चतुष्चक्रियानस्य कृते पञ्चाशद्रूप्यकाणि शुल्कं निर्धारितम् अस्ति।

मेलके महतीसंख्यया श्रद्धालूनां आगमनं दृष्ट्वा पुलिसप्रशासनयोः, चिकित्सकदलानां तथा अग्निशमनदलानां च नियुक्तिः कृता अस्ति। मन्दिरपरिसरे श्रद्धालूनां सम्मर्दस्य नियन्त्रणाय दर्शनव्यवस्थायाः च सुव्यवस्थां सुनिश्चितुं विशेषप्रबन्धाः कृताः सन्ति।

मेलकस्थले प्रसादस्य, पूजासामग्रीणां, शृङ्गारसामग्रीणां तथा विविधवस्तूनां विक्रयार्थं बह्व्यः आपणपङ्क्तयः अपि सज्जीकृताः सन्ति। भर्तृहरिधाम्नः अयं धार्मिकमेलकः एकोनविंशतितमं सितम्बरदिनं यावत् प्रचलिष्यति।

---------------

Hindusthan Samachar / Dheeraj Maithani