कोकराझारम् (असमः), २० सेप्टेम्बरमासः (हि.स.)। असमस्य लोकप्रियसङ्गीत-कलाकाराय जूबिनगर्गाय प्रथमपुण्यतिथेः अवसरे एनटीपीसी-बङ्गाईग्रामे शनि-वासरे सायंकाले भावपूर्णः श्रद्धाञ्जलि-कार्यक्रमः आयोजितः। कर्मचारी-कल्याणसङ्घस्य तत्वावधाने आयोजितस्य कार्यक्रमस्य अन्तर्गतं नाहरवृक्षस्य पादपारोपणं कृत्वा जूबिनगर्गः स्मृतः।

प्रशासनिकभवनस्य समीपे आयोजितस्य पादपरोपणकार्यक्रमस्य नेतृत्वं एनटीपीसी-बङ्गाईग्रामस्य परियोजना-प्रमुखः अर्णबमैत्रः कृतवान्। अस्मिन् अवसरे मानवसंसाधनप्रमुखः अमित-कुमारअस्थाना, विभिन्नविभागानां प्रमुखाः, वरिष्ठाधिकारिणः, कर्मचारिणः तथा कर्मचारीकल्याणसङ्घस्य सदस्याः उपस्थिताः आसन्। जूबिनगर्गस्य स्मृतौ नाहरवृक्षस्य पादपा: रोपिताः।

कार्यक्रमस्य अवधौ जूबिनगर्गस्य गीतैः सम्पूर्णं वातावरणं भावुकमभवत्।

Hindusthan Samachar / Divya Ranjan