हरिद्वारम्, २४ सेप्टेम्बरमासः (हि.स.)। एसएमजेएन-स्नातकोत्तर-महाविद्यालये राष्ट्रिय-सेवा-योजनायाः स्थापना-दिवसस्य अवसरे छात्रा-इकाई-पक्षतः रङ्गोली-प्रतियोगिता आयोजिता। छात्राभिः नशामुक्तिः, पर्यावरणसंरक्षणम्, मतदाता-साक्षरता तथा एसआईआर इत्यादीन् सामयिकविषयान् आधृत्य आकर्षक-रङ्गोल्यः निर्मिताः, येन सामाजिक-जागरूकतायाः सन्देशः प्रदत्तः।

कार्यक्रमे महाविद्यालयस्य प्रबन्धसमित्याः अध्यक्षः श्रीमन्तः डॉ. रविन्द्रपुरीमहाराजः छात्राभ्यः समाजसेवायै अग्रे आगन्तुं सन्देशं दत्तवान्। महाविद्यालयस्य प्राचार्यः प्रो. (डॉ.) सुनीलकुमारबत्रा राष्ट्रिय-सेवा-योजनायाः स्थापना-दिवसस्य अवसरे स्वयंसेवकेभ्यः शिक्षकभ्यश्च शुभकामनाः प्रदाय उक्तवान् यत् राष्ट्रिय-सेवा-योजना विद्यार्थिनः समाजस्य प्रति स्वदायित्वं ज्ञातुं राष्ट्रनिर्माणे च सक्रियां भूमिकां निर्वोढुं प्रेरयति।

सः उक्तवान् यत् विद्यार्थिभ्यः केवलं पुस्तकीयज्ञानं पर्याप्तं नास्ति। तैः समाजस्य वास्तविकपरिस्थितीनां बोधं कृत्वा वञ्चितानां आवश्यकताग्रस्तानां च वर्गाणि प्रति संवेदनशीलैः भवितव्यम्।कार्यक्रमाधिकारिणी डॉ. पद्मावतीतनेजा उक्तवती यत् राष्ट्रिय-सेवा-योजना विद्यार्थिषु सेवाभावनां, सामाजिकदायित्वम्, अनुशासनं सृजनशीलतां च विकसितुं प्रभावीमाध्यमम् अस्ति।

प्रतियोगितायां तृप्तिः, निधिः, शालिनी तथा तान्या, विशाखा, ज्योतिका, सिमरन इत्येतासां दलयोः संयुक्तरूपेण प्रथमस्थानं प्राप्तम्। अनन्या, ऋतुः, सलोनी, अनिष्का, सुकन्या, अङ्किता, रिया, सञ्जना इत्येतासां दलं द्वितीयस्थानं प्राप्तवत्। राधिका, भूमिः, तनिष्का, दिया, सलोनी च तृतीयस्थानं प्राप्तवत्यः।

निर्णायकमण्डले उत्तराखण्ड-मुक्तविश्व-विद्यालयस्य सहायक-क्षेत्रीय-निदेशकः डॉ. बृजेशबनकोटी, डॉ. लताशर्मा, डॉ. आशाशर्मा, डॉ. पूर्णिमासुन्दरियालः तथा डॉ. रेनूसिंहः सम्मिलिताः आसन्। अस्मिन् अवसरे डॉ. शिवकुमारचौहानः, डॉ. पुनीताशर्मा, डॉ. विजयशर्मा, विनीत-सक्सेना, कार्यालयाधीक्षकः मोहनचन्द्र-पाण्डेयः इत्यादयः शिक्षकाः छात्राः छात्राश्च उपस्थिताः आसन्।

Hindusthan Samachar / Dheeraj Maithani