Enter your Email Address to subscribe to our newsletters
नवतेहरी, २५ सेप्टेम्बरमासः (हि.स.)। सेवासुशासनसमर्पणाभियानस्य अन्तर्गतं केन्द्र-राज्यसर्वकारयोः जनकल्याण-योजनानां विषये सूचना जाखनीधर-खण्डस्य कोटिखास-चोलगाव इत्यत्र आयोजिते चर्चासत्रे प्रदत्ता। योजनानां लाभं प्राप्तुं योग्याः ग्रामीणाः प्रेरिताः अभवन्।
उत्तराखण्डसर्वकारस्य कार्यक्रम-कार्यान्वयनविभागस्य विशेषकर्तव्याधि-कारी सञ्जीवकुमारशर्मा मासपर्यन्तं प्रचलितस्य अभियानस्य उद्देश्यानां क्रियाकलापानां च अवलोकनं कृतवान्। सः अधिकारिभ्यः कर्मचारिभ्यश्च विभागीय-योजनानां प्रगतिविषये पृष्टवान्। शर्मावर्यः अधिकारिभ्यः केन्द्रसर्वकारस्य राज्य-सर्वकारस्य च कल्याणयोजनाः प्रभावी-रूपेण मूलस्तरेषु भूमिं प्रति नेतुं तथा योग्येभ्यः जनेभ्यः तेषां लाभं प्रदातुं निर्देशं दत्तवान्।
सः विभागीयाधिकारिभिः समन्वयेन कार्यं कर्तुं तथा ग्रामीणक्षेत्रेषु योजनानां व्यापकप्रचारं कर्तुं निर्देशितवान्। खण्डप्रमुखः राजेशनौटियालः अवदत् यत् प्रधानमन्त्री नरेन्द्रमोदी गतपञ्चविंशति-वर्षेभ्यः निरन्तरं राष्ट्रसेवायां सक्रियां भूमिकां निर्वहति।
सः अवदत् यत् सर्वकारस्य विभिन्नाः योजनाः विकासकल्याणयोजनानां लाभं समाजस्य अन्तिमव्यक्तिपर्यन्तं प्रापयितुं प्रयुज्यन्ते। अस्मिन् अवसरे वरिष्ठः आरक्षक-अधीक्षकः त्रिलोकबिष्टः, बी.डी.ओ. रोशनलालः, ए.बी.डी.ओ. दिग्विजयसिंहः, प्रधानः करणसिंहः, डॉ. अभिलाष-उनियालः इत्यादयः उपस्थिताः आसन्।
Hindusthan Samachar / Divya Ranjan