मुंबई, 25 सितंबरमासः (हि.स.)।

यामी गौतमधरेण अभिनीते कल्पनाप्रधानपारिवारिकमनोरञ्जनप्रधानचलचित्रे ‘नवीनवधू’ इत्यस्मिन् दर्शकानाम् उत्सुकता निरन्तरं वर्धमाना अस्ति। चलचित्रस्य प्रथमं गीतं ‘भाभी तबाही’ इति प्रकाशितम्। विवाहोत्सवस्य पृष्ठभूमौ चित्रितमिदं गीतं नववध्वाः मुखदर्शनसंस्कारस्य माध्यमेन तस्याः चरित्रस्य प्रथमां झलकं दर्शयति। गीतस्य दृश्येषु यामी नूतनरूपेण परिवारस्य सदस्यत्वेन प्रवेशं कुर्वती दृश्यते।

‘भाभी तबाही’ इति गीतस्य सङ्गीतं जी.वी. प्रकाशकुमारेण संयोजितं निर्मितं च अस्ति। अस्य गीतस्य पदानि वायुना रचितानि सन्ति तथा च नीतिमोहनेन स्वरः प्रदत्तः अस्ति। गीतस्य सङ्गीते भाङ्गडा, रैप्, शास्त्रीयसङ्गीतं तथा हिप्हॉप् इत्येतासां शै‍लीनां समन्वयः दृश्यते।

चलचित्रस्य टीजरस्य प्रकाशनानन्तरं यत्र नववधू ‘दायन’ इति विषये रहस्यं वर्तते स्म, तत्र एतत् गीतं कथां लघुहास्यपूर्णेन सङ्गीतमयेन च प्रकारेण अग्रे नयति। अस्य गीतस्य नृत्यनिर्देशनं विजयगाङ्गुलिना कृतम् अस्ति।

चलचित्रे याम्या सह आदिनाथ एम. कोठारे, अनुराग ठाकुरः, सुनीता राजवरः, मीता वशिष्ठा, आदित्य कुलश्रेष्ठः, सुस्मिता मुखर्जी, सोनल झा तथा सुनील सिन्हा इत्यादयः अनेकाः कलाकाराः महत्त्वपूर्णेषु भूमिकासु सन्ति।

चलचित्रस्य निर्देशनं बालाजीमोहेनेन कृतम् अस्ति। आनन्द एल. राय तथा हिमांशुशर्मा अस्य निर्मातारौ स्तः। चलचित्रस्य कथा हिमांशुशर्मणा तथा दिव्यनिधिशर्मणा लिखिता अस्ति।‘नवीनवधू’ इति चलचित्रं १६ अक्टोबर् २०२६ दिनाङ्के दशहरापर्वणः पूर्वं सम्पूर्णदेशे चलचित्रगृहेषु प्रदर्शितं भविष्यति।

---------------

Hindusthan Samachar / Dheeraj Maithani