Enter your Email Address to subscribe to our newsletters
जौनपुरम्, २६ सेप्टेम्बरमासः (हि.स.)। उत्तरप्रदेशस्य जौनपुरस्थितस्य वीरबहादुर-सिंहपूर्वाञ्चलविश्वविद्यालयस्य क्रीडापरिषदा २०२६-२७ तमस्य सत्रस्य कृते शनिवासरे अन्तरमहाविद्यालयीय-प्रतियोगितानां वार्षिकक्रीडापञ्चाङ्गं प्रकाशितम्। क्रीडापरिषदः सचिवस्य प्रो. शेखरसिंहस्य पक्षतः प्रकाशिते पञ्चाङ्गे विविधक्रीडाप्रतियोगितानाम् आयोजनस्य दायित्वं विश्वविद्यालयपरिसरेण सह सम्बद्धमहाविद्यालयेभ्यः अपि समर्पितम् अस्ति।
पञ्चाङ्गानुसारं पुरुषाणां महिलानां च मल्लयुद्धम्, क्रिकेट्, धावनादिक्रीडाः तथा योगासनप्रतियोगिताः विश्वविद्यालयपरिसरे आयोजिताः भविष्यन्ति।
पुरुषाणां महिलानां च बैडमिण्टनस्य दायित्वं टीडीपीजी-महाविद्यालयाय जौनपुराय, पुरुषाणां हस्तकन्दुक-प्रतियोगितायाः दायित्वं फरीदुलहक्-स्मृतिपरस्नातक-महाविद्यालयाय, पुरुषाणां पादकन्दुक-प्रतियोगितायाः च दायित्वं राजा श्रीकृष्णदत्त-परास्नातक-महाविद्यालयाय प्रदत्तम् अस्ति। पुरुषाणां खो-खो-प्रतियोगिता गुलाबीदेवी-परास्नातक-महाविद्यालये सिद्दीकपुरे तथा महिलानां प्रतियोगिता सहकारी-परास्नातक-महाविद्यालये मिहरावांयां भविष्यति। पुरुषाणां महिलानां च बास्केटबालप्रतियोगितायाः दायित्वं परास्नातकमहाविद्यालयाय गाजीपुराय प्राप्तम् अस्ति।
पुरुषाणां कबड्डी-प्रतियोगिता टीडीपीजी-महाविद्यालये जौनपुरे तथा महिलानां मड़ियाहूं-परास्नातकमहाविद्यालये भविष्यति। पुरुषाणां वालीबालप्रतियोगिता सत्यदेव-परास्नातकमहाविद्यालये गाजीपुरे तथा महिलानां प्रतियोगिता रामअवधयादव-राजकीयमहिला-महाविद्यालये तारा-शाहगञ्जे आयोजिता भविष्यति। पुरुषाणां महिलानां च क्रासकण्ट्री-प्रतियोगितायाः दायित्वं पण्डितदीनदयालोपाध्याय-राजकीय-महाविद्यालयाय सैदपुराय प्रदत्तम् अस्ति।
तदतिरिक्तं पुरुषाणां महिलानां च मुष्टियुद्धस्य कराटे-क्रीडायाश्च दायित्वं एमपीएस-परास्नातकमहाविद्यालयाय जौनपुराय, लक्ष्यवेधक्रीडायाः दायित्वं टीडीपीजी-महाविद्यालयाय जौनपुराय, धनुर्विद्यायाः दायित्वं हिन्दू-परास्नातक-महाविद्यालयाय जमानियाय तथा भारोत्तोलनस्य दायित्वं राजा हरपालसिंह-महाविद्यालयाय सिंगरामऊ इत्यस्मै प्रदत्तम् अस्ति।
हॉकी, शक्तितोलनम्, शरीरसौष्ठवम्, ताइक्वाण्डो, पदसञ्चलनम् इत्यादीनां प्रतियोगितानाम् आयोजनस्य दायित्वमपि विभिन्नेभ्यः महाविद्यालयेभ्यः समर्पितम् अस्ति। क्रीडापञ्चाङ्गस्य प्रकाशनेन प्रतियोगितानां सज्जतायै आयोजनाय च सम्बद्धसंस्थानानां कृते समये कार्ययोजनां निर्मातुं सुविधा भविष्यति।
-----------------------------------
Hindusthan Samachar / Divya Ranjan