Enter your Email Address to subscribe to our newsletters
लखनऊ, 27 सितंबरमासः (हि.स.)।मुख्यमन्त्री योगी आदित्यनाथः वित्तीयवर्षे २०२६-२७ बजटप्रावधानानां सापेक्षं वित्तीयस्वीकृतीनां निर्गमनस्य व्ययस्य च गतिं वर्धयितुं निर्देशान् प्रदत्तवान्। सः उक्तवान् यत् वित्तीयवर्षस्य प्रथमषाण्मासिककालः समाप्तिं प्रति अग्रसरः अस्ति, अतः येषु विभागेषु राजस्वव्ययस्य गतिः अपेक्षानुसारं नास्ति, तत्र तत्क्षणं सुधारः करणीयः। मुख्यमन्त्रिणा निर्देशितं यत् आगामिषु द्विमासेषु सर्वथा ७० प्रतिशतं वित्तीयस्वीकृतीनां निर्गमनं भवेत् तथा समग्ररूपेण आवंटितस्य बजटस्य सापेक्षं न्यूनातिन्यूनं ६० प्रतिशतं व्ययः सुनिश्चितः क्रियताम्।
मुख्यमन्त्री रविवासरे सायंकाले वित्तमन्त्री सुरेशखन्नस्य उपस्थितौ आयोजितायां महत्त्वपूर्णसभायां चालूवित्तीयवर्षस्य बजटप्रावधानानां, वित्तीयस्वीकृतीनां वास्तविकव्ययस्य च समीक्षां कुर्वन् आसीत्। सभायां प्रदेशस्य सर्वाधिकबजटयुक्तानां त्रिंशत् प्रमुखविभागानां कार्याणां वित्तीयप्रगतेश्च बिन्दुवारं समीक्षा कृता।
मुख्यमन्त्री उक्तवान् यत् बजटस्य उद्देश्यं केवलं धनराशेः आवंटनं नास्ति, अपितु तस्य समयबद्धोपयोगं सुनिश्चित्य तस्य लाभं जनतापर्यन्तं प्रापयितुम् अस्ति। सः वित्तमन्त्रिणः निर्देशं दत्तवान् यत् विभागीयमन्त्रिभिः सह सभा कृत्वा बजटव्ययस्य नियमितरूपेण बिन्दुवारं च समीक्षा क्रियताम्। येषु विभागेषु नीतिगतकारणैः प्रक्रियागतकारणैः तकनीकीकारणैर्वा स्वीकृतीनां व्यये वा बाधा उत्पद्यते, तस्याः तत्क्षणं समाधानं कारयितव्यम्। वित्तविभागेन अपि अस्य नियमितरूपेण निरीक्षणं कृत्वा प्रगतेः सूचना मुख्यमन्त्रिकार्यालयाय उपलब्धा कारयितव्या।
मुख्यमन्त्री प्रदेशस्य ग्रामीणार्थव्यवस्थां सुदृढां कर्तुं बैंकानां ऋणनिक्षेपानुपाते सुधारस्य विषये अपि बलं दत्तवान्। सः उक्तवान् यत् प्रत्येकस्मै पात्रकृषकाय किसानक्रेडिटपत्रस्य लाभः प्राप्तः भवेत्। अस्यार्थं ग्रामानुसारं कृषकानुसारं च मानचित्रणं कारयितव्यं, येन पात्रकृषकानां चिह्नीकरणं कृत्वा ते बैंकिङ्गसुविधाभिः सह सम्बद्धाः कर्तुं शक्यन्ते।
केन्द्रसहायितयोजनानां समीक्षायां मुख्यमन्त्री उक्तवान् यत् यासु योजनासु भारतसर्वकारात् धनराशिः प्राप्तव्या अस्ति, तासु विभागीयस्तरे प्रभावीसमन्वयः करणीयः। सः उक्तवान् यत् विभागीयमन्त्रिणः सम्बन्धितकेन्द्रीयमन्त्रिभिः सह प्रत्यक्षं संवादं कृत्वा लम्बितधनराशेः स्वीकृतीनां च सम्बन्धितविषयाणां समाधानं कारयन्तु, येन केन्द्रीयसहायतया सञ्चालितानां योजनानां गतिः प्रभाविताः न भवेत्।
मुख्यमन्त्री निर्देशं दत्तवान् यत् बजटस्य आकलनं वास्तविकावश्यकतायाः व्यावहारिकोपयोगितायाश्च आधारेण क्रियताम्, येन धनराशिः अनावश्यकरूपेण प्रावधानरूपेण न तिष्ठेत् तथा तस्याः समुचितोपयोगः सुनिश्चितः भवेत्।
मुख्यमन्त्री सर्वेषां विभागाध्यक्षानां वरिष्ठाधिकारिणां च निर्देशं दत्तवान् यत् ते क्षेत्रेषु गत्वा विकासकार्याणां प्रगतेः नियमितरूपेण समीक्षां कुर्वन्तु तथा यत्र कार्याणां गतिः मन्दाऽस्ति, तत्र तत्क्षणं सुधारं कारयन्तु। सः उक्तवान् यत् वित्तीयवर्षस्य अवशिष्टावधौ विभागाः स्वनिर्धारितलक्ष्याणि समये एव पूरयेयुः। विकासजनकल्याणसम्बद्धानां योजनानां कृते धनस्य न्यूनता न भवितुम् दीयते, किन्तु उपलब्धस्य बजटस्य प्रभावी, पारदर्शी, समयबद्धश्च उपयोगः सुनिश्चितः करणं सम्बन्धितविभागानां दायित्वम् अस्ति।
Hindusthan Samachar / Dheeraj Maithani