Enter your Email Address to subscribe to our newsletters
वाराणसी, 27 सितंबरमासः (हि.स.)। बिहारस्य पूर्वमुख्यमन्त्रिणः नीतीशकुमारस्य पुत्रः स्वास्थ्य-मन्त्री निशान्तकुमारः रविवासरे सायंकाले वाराणसीं प्राप्तवान्। द्विदिवसीययात्रायाः प्रथमदिने स्वास्थ्य-मन्त्री निशान्तकुमारः दशाश्वमेधघट्टे विश्वप्रसिद्धायां गङ्गामातरः आरत्यां समुपस्थितः अभवत्। गङ्गासेवानिधेः आरत्यां सम्मिलितुं पूर्वं निशान्तकुमारेण गङ्गामातरं प्रणम्य ततः गङ्गारती अवलोकिता।
गङ्गारतेः अनन्तरं सः गङ्गासेवानिधेः आगन्तुकपुस्तिकायां लिखितवान् यत्, मम सौभाग्यमस्ति यत् अहं गङ्गामातरः आरत्यां सम्मिलितः अभवम्। गङ्गामातरः आशीर्वादः सर्वेषु भारतवासिषु निरन्तरं भवतु। निधेः अध्यक्षः सुशान्तमिश्रः बिहारस्य स्वास्थ्य-मन्त्रिणः अङ्गवस्त्रेण, प्रसादेन स्मृतिचिह्नेन च स्वागतं कृतवान्। निशान्तकुमारः प्रायः त्रिंशत् निमेषान् पर्यन्तं गङ्गारत्यां उपस्थितः आसीत्।
उल्लेखनीयं यत् गङ्गानद्याः जलस्तरः वर्धितः होने के कारण गङ्गारती निधेः कार्यालये एव सम्पन्ना क्रियते। तदनन्तरं स्वास्थ्य-मन्त्री निशान्तकुमारः पड़ावस्थिते श्रीसर्वेश्वरीसमूहे गत्वा बाबाऽवधूतभगवानरामस्य दर्शनं पूजनं च कृतवान्। सः आश्रमे दर्शनपूजनं कृत्वा जनता दल यूनाइटेड् इत्यस्य पदाधिकारिभिः सह अपि मिलितवान्।
निशान्तकुमारः वाराणस्यां रात्रिविश्रामं कृत्वा सोमवासरे श्रीकाशीविश्वनाथमन्दिरे दर्शनपूजनं करिष्यति।
Hindusthan Samachar / Dheeraj Maithani