काेटा, 29 सितंबरमासः(हि.स.)।पश्चिममध्यरेल्वे-मण्डलस्य कोटामण्डले ‘स्वच्छता हि सेवा २०२६’ अभियानस्य अन्तर्गतं सितम्बरमासस्य २९ दिनाङ्के ‘स्वच्छतया समृद्धिः’ इति विषयमधिकृत्य ‘अपशिष्टात् उपयोगः, अपशिष्टात् कलासृजना’ इत्यादयः गतिविधयः आयोजिताः। अस्य अभियानस्य उद्देश्यम् अनुपयोगिनां सामग्रीनां सृजनात्मकपुनःप्रयोगेन स्वच्छतायाः, पुनर्चक्रीकरणस्य पर्यावरणसंरक्षणस्य च सन्देशं प्रसारयितुम् अस्ति।

वरिष्ठमण्डलवाणिज्यप्रबन्धकः सौरभजैनः अवदत् यत् अभियानस्य अन्तर्गतं विभिन्नेषु एककेषु अपशिष्टसामग्रीभ्यः उपयोगिनः कलात्मकाः च प्रतिरूपाः निर्मिताः। सिकलाइनकर्मचारिभिः एकं कलाप्रतिरूपं निर्मितम्, यस्मिन् एम.एस. शीट्, एम.एस. रॉड्, वॉशर्, रिवेट्, बोल्ट् नट् तथा स्प्लिट् पिन् इत्यादीनां अपशिष्टसामग्रीणां प्रयोगः कृतः। अस्य कलाप्रतिरूपस्य माध्यमेन भारतं स्वच्छं स्थापयितुं सन्देशः प्रदर्शितः।

एवमेव आई.ओ.एच. डिपो, कोटायां प्राकृतिकवायुप्रवाहेन भ्रमणशीलं वायुपक्षचक्रस्य प्रतिरूपं निर्मितम्। तदतिरिक्तं अपशिष्टसामग्रीभ्यः प्राचीनस्य काष्ठनिर्मितस्य रेलयानस्य डिब्बस्य प्रतिरूपमपि निर्मितम्। एतेषां सृजनात्मकप्रयासानां माध्यमेन अनुपयोगिनां सामग्रीनां नूतनप्रयोजनेषु उपयोगं कर्तुं तथा ‘अपशिष्टात् संसाधनम्’ इति संकल्पनां प्रोत्साहयितुं प्रयत्नः कृतः।

तस्मिन्नेव दिने कोटारेलस्थानके वाणिज्यशाखया जनजागरणाभियानमपि आयोजितम्। अस्मिन् अवसरे सहायकवाणिज्यप्रबन्धकः अमितवर्मा तथा स्थानकनिदेशकः शशिभूषणशर्मा यात्रिभ्यः ‘स्वच्छता हि सेवा २०२६’ अभियानस्य उद्देश्यानां, विविधगतिविधीनां तथा रेलपरिसराणां स्वच्छतायां जनसहभागितायाः महत्त्वस्य च विषये सूचनां प्रदत्तवन्तौ।

यात्रिभ्यः जनविश्वासाधिनियमस्य कृतसंशोधनानां विषयेऽपि सूचना प्रदत्ता। रेलनियमानां पालनं, स्वच्छतायाः संरक्षणं तथा उत्तरदायिनागरिकव्यवहारस्य स्वीकरणं प्रति च जनाः जागरूकाः कृताः। अभियानस्य उद्देश्यम् केवलं स्वच्छताकार्ये सीमितं न भूत्वा पुनःप्रयोगं, पुनर्चक्रीकरणं, जनसहभागितां उत्तरदायिव्यवहारं च दैनिककार्यसंस्कृतेः अभिन्नम् अङ्गं कर्तुम् अस्ति।

---------------

Hindusthan Samachar / Dheeraj Maithani