Enter your Email Address to subscribe to our newsletters
प्रयागराजः, 29 सितंबरमासः (हि.स.)।
इलाहाबाद उच्चन्यायालयस्य न्यायमूर्तेः सौरभ श्याम शमशेरेः एकलपीठेन भूपसिंह परमारस्य याचिकायाः श्रवणं कुर्वता उक्तं यत् वित्तकोषस्य वसूलीसीमा पक्षकारयोः मध्ये सम्पन्नस्य अनुबन्धस्य आधारेण निर्धारिता भविष्यति।
न्यायालयेन उक्तं यत् वसूलीसीमायाः विषये अञ्जनीकुमारः विरुद्धं रायबरेलीजनपदाधिकारी इति प्रकरणे खण्डपीठेन निर्धारितानां सिद्धान्तानाम् अनुसारेण पक्षकारयोः मध्ये सम्पन्नस्य अनुबन्धस्य आलोक एव विचारः क्रियते।
न्यायालयेन एतदपि उक्तं यत् खण्डपीठेन उच्चन्यायालयेन पूर्वं बैजन्थस्य निर्णयस्य ४७ तमस्य तथा ४९ तमस्य परिच्छेदयोः विषये प्रदत्ते निर्णयं प्रति अन्तर्वर्तीनिरोधः अधुना एव आरोपितः अस्ति। एषः आदेशः उत्तरप्रदेशसहकारीग्रामविकासबैंक लिमिटेड् अन्ये च विरुद्धं बैजन्थम् अन्यौ च इति विशेषापीलप्रकरणे ९ सितम्बर २०२६ दिनाङ्के पारितः आसीत्।
न्यायालयेन उक्तं यत् विपक्षी बैंकः याचिकाकर्त्रे ऋणलेखास्य विवरणं तथा अनुबन्धस्य प्रतिलिपिं प्रदास्यति। तदतिरिक्तं बैंकः मासिककिश्तीनाम् अपि निर्धारणं कर्तुं शक्नोति। एताभिः टिप्पणिभिः सह याचिका निस्तारिता।
---------------
Hindusthan Samachar / Dheeraj Maithani