Enter your Email Address to subscribe to our newsletters
नवदिल्ली, ३० सेप्टेम्बरमासः (हि.स.)। भारतीयजनतादलस्य संस्थापकसदस्यः, दिल्ली-भाजपादलस्य पूर्वाध्यक्षः तथा वरिष्ठः लोकप्रतिनिधिः प्रो. विजयकुमार-मल्होत्रावर्यः। तस्य प्रथमपुण्यतिथौ दिल्ली-भाजपादलाध्यक्षः हर्षमल्होत्रा-सहितैः दलस्य वरिष्ठैः नेतृभिः पदाधिकारिभिश्च तस्मै श्रद्धाञ्जलिः अर्पिता।बुधवासरे दिल्ली-भाजपाकार्यालये आयो-जिते श्रद्धाञ्जलिकार्यक्रमे नेतृभिः प्रो. मल्होत्रावर्यस्य चित्रे माल्यार्पणं कृत्वा पुष्पाञ्जलिः समर्पिता।
अस्मिन् अवसरे दिल्ली-भाजपादलाध्यक्षः हर्षमल्होत्रः उक्तवान् यत् प्रो. विजयकुमारमल्होत्रावर्यस्य प्रथम-पुण्यतिथिः सर्वेषां कृते भावुकः अवसरः अस्ति। सः उक्तवान् यत् प्रो. मल्होत्रा वरिष्ठभाजपानेता, सांसदः तथा दिल्ली-भाजपादलस्य पूर्वाध्यक्षः इत्येतैः रूपैः सह सङ्गठनस्य कुशलकार्यकर्ता अनुशासन-प्रियव्यक्तित्वं च इति रूपेण सदैव स्मरिष्यते।
हर्षमल्होत्रा उक्तवान् यत् प्रो. मल्होत्रा जनसङ्घस्य कालादेव राजनैतिक्षेत्रे सक्रियः आसीत् तथा च दिल्ली इत्यस्य सङ्घटनं धरातलपर्यन्तं सुदृढं कर्तुं तस्य महत्त्वपूर्णा भूमिका आसीत्। स्वस्य राजनैतिकजीवने सः सरलतायाः, सेवायाः अनुशासनस्य च विशेषं महत्त्वं दत्तवान्।
सः उक्तवान् यत् क्रीडाक्षेत्रेऽपि प्रो. मल्होत्रावर्यस्य महत्त्वपूर्णं योगदानम् आसीत्। अखिलभारतीयक्रीडापरिषदः भारतीयधनुर्विद्यासङ्घस्य च अध्यक्षरूपेण सः युवानः क्रीडाभिः सह संयोजयितुं तथा क्रीडागतिविधिनां प्रोत्साहने योगदानं दत्तवान्।
दिल्ली-भाजपादलाध्यक्षः उक्तवान् यत् प्रो. विजयकुमारमल्होत्रावर्यस्य जीवनं सेवा-राष्ट्रभक्त्योः समर्पणस्य च उदाहरणम् आसीत्। सः राजनीतिक्षेत्रे क्रीडाक्षेत्रे च सत्य-अनुशासनयोः दलभावनायाश्च महत्त्वं स्थापितवान्। सः उक्तवान् यत् प्रो. मल्होत्रावर्यस्य अभावः अद्यापि अनुभूयते तथा च तस्य आदर्शानां सेवाभावस्य च अग्रे संवर्धनमेव तस्मै सत्या श्रद्धाञ्जलिः भविष्यति।
श्रद्धाञ्जलिकार्यक्रमे प्रदेशसहप्रभारी दर्शना जरदोशः, भाजपादलस्य वरिष्ठ-नेतारः जगदीशमुखी, वेदव्यासमहाजनः, सुभाष-आर्यः, आदेशगुप्तः, सुभाषसचदेवः, डॉ. विजयजौली, कर्नलः वी.के. ओबरॉयः इत्यादयः तथा प्रदेशपदाधिकारिणः विष्णुमित्तलः, योगितासिंहः, विधायकः अनिलशर्मा, राजेशभाटिया, प्रवीणशङ्कर-कपूरः, कैलाशजैनः, विजयसोलङ्की, रणजीतकश्यपः, ऋचापाण्डेयः, अभिषेक-टण्डनः, मनोजकुमारः, राजगौतमः, अमितगुप्तः, सन्तोषपालः, सी.एल. मीणा इत्यादयः अन्ये नेतारः कार्यकर्तारश्च उपस्थिताः आसन्।
Hindusthan Samachar / Divya Ranjan