सिलीगुडी, २९ सेप्टेम्बरमासः (हि.स.)। दार्जिलिङ्गस्य सांसदः राजूबिष्टः सिलीगुडी-गुवाहाटी-शिलाङ्गनगराणि संयोजयितुं प्रस्तावितस्य षट्-त्रिंशदधिक-षट्शत-किलोमीटरदीर्घस्य उच्चमार्ग-परिसरस्य घोषणायाः स्वागतं कृतवान्। केन्द्रीयमार्गपरिवहन-राजमार्गमन्त्री नितिनगडकरी अस्याः परियोजनायाः अनुमानितव्ययम् एकषष्टिसहस्रपञ्च-शतकोटिरूप्यकाणि इति उक्तवान्।

सांसदः राजूबिष्टः बुधवासरे पत्रकार-प्रकाशनं निर्गम्य उक्तवान् यत् एषा परियोजना उत्तरबङ्गस्य सम्पूर्णस्य पूर्वोत्तरक्षेत्रस्य च कृते महत्त्वपूर्णा आधारभूतसंरचनापरियोजना अस्ति। तस्य अनुसारम्, अनेन क्षेत्रस्य मार्गसम्पर्कः, आर्थिकगतिविधयः, सामरिकसम्पर्कश्च सुदृढाः भविष्यन्ति। प्रस्ताविते गलियारे सिलीगुडी-गुवाहाट्योः मध्ये प्रायः चतुर्शत-किलोमीटरपरिमितः भागः अन्तर्भवति, यस्य अनुमानितव्ययं त्रिंशत्सहस्रकोटि-रूप्यकाणि इति उक्तम् अस्ति।

बिष्टः स्वकीयवक्तव्ये सिलीगुडीपरिसरस्य, यः सामान्यतः ‘कुक्कुटग्रीवा’ इति कथ्यते, सामरिकमहत्त्वस्य उल्लेखं कृतवान्। सः उक्तवान् यत् प्रस्तावितपरिसरेण सह गोरखपुर-सिलीगुडीद्रुतमार्गपरियोजनापि उत्तरभारतम्, उत्तरबङ्गं पूर्वोत्तरक्षेत्रं च परस्परं मार्गसम्पर्केण सुदृढं करिष्यति। केन्द्रसर्वकारेण गोरखपुरतः सिलीगुडी-पर्यन्तं द्रुतमार्गसम्पर्कपरि-योजनायामपि कार्यं प्रारब्धम् अस्ति।

सः उक्तवान् यत् उत्तममार्गव्यवस्थया मालवाहनं, पर्यटनं, व्यापारः यात्रिणां च आवागमनं सुकरं भविष्यति। तेन सह उत्तरबङ्गस्य पूर्वोत्तरक्षेत्रस्य च युवभ्यः रोजगारस्य आजीविकायाः च अवसराः वर्धितुं सम्भावना अस्ति।

राजूबिष्टः दार्जिलिङ्गपर्वतीयक्षेत्राय, सिलीगुडी-तराई-डुआर्सप्रदेशेभ्यः सम्पूर्णपूर्वोत्तरक्षेत्राय च एतत् महत्त्वपूर्णं पदक्षेपं वर्णयन् प्रधानमन्त्रिणः नरेन्द्र-मोदिनः केन्द्रीयमन्त्रिणः नितिन-गडकरी इत्यस्य च प्रति आभारं प्रकटितवान्।

Hindusthan Samachar / Divya Ranjan